المعهد العالى الدولى للغات
مرحبا بك عزيزى الزائر

ان كنت عضوا تفضل بالدخول والا فنتشرف يتسجيلك معنا



 
الرئيسيةبحـثالتسجيلدخولالتسجيل
تم بحمد الله افتتاح المنتدى الخاص بالمعهد العالى الدولى للغات والترجمة الفورية

شاطر | 
 

  قصيدة عشان انت مصري(احمد فواد نجم)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
king of hak
.
.


ذكر
عدد المساهمات : 80
تاريخ التسجيل : 22/04/2010
الموقع : http://icl-newcairo.ibda3.org

مُساهمةموضوع: قصيدة عشان انت مصري(احمد فواد نجم)   الأربعاء سبتمبر 08, 2010 7:37 pm

عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى



عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك



ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله


بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق


هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت



عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف
.
.
.
.
.
.
من
قصائد احمد فؤاد نجم
الرجوع الى أعلى الصفحة اذهب الى الأسفل
http://icl-newcairo.ibda3.org
 
قصيدة عشان انت مصري(احمد فواد نجم)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المعهد العالى الدولى للغات :: ¨°~*§¦§ أقســـــــام أخرى §¦§*~°¨ :: الأدبـى والابداعات-
انتقل الى: